«Æдас фæндаггон змæлд» регионалон проект куыд æххæст кæнынц

Хицауады хæдзары ма рныхас кодтой, «Æдас фæндаггон змæлд»-ы регионалон проект куыд æххæст кæнынц, ууыл. Автомобилон фæндæгты уæлцъар хъуамæ дзуапп дæтта нырыккон домæнтæн, фæндаджы аиппытæ æмæ хъæндзинæдтæ та хъæуы иуварс кæнын. Ацы æмæ æндæр фарстатыл дзырдтой сæрмагонд æмбырды. «Æдас фæндаггон змæлд»-ы регионалон проект æххæстгонд цæуы «Æдас æмæ хæрзхъæд автомобилон фæндæгты» нацпроекты фæлгæты. Æмбырды сæрдариуæг кодта хицауады вице-премьер Кæсæбиты Игорь. Афæдзы райдианæй республикæйы æрцыд 374 фæндаггон фыдбылызы, фæмард дзы 50 адæймаджы, 543 фæцæфтæ сты. Фаронимæ абаргæйæ, фæндаггон фыдбылызты нымæц 18% фæкъаддæр, уыимæ, чи фæмард, уыдоны нымæц та фæфылдæр. Вице-премьер куыд бафиппайдта, афтæмæй сæйрагдæр у адæмы æдасдзинад, уый тыххæй та аразын хъæуы æппæт хъæугæ мадзæлттæ. Бафтаудзыстæм ма уый, æмæ Цæгат Ирыстоны паддзахадон автоинспекцийы кусджытæ дæр республикæйы аразынц сæрмагонд рейдтæ. Сæ сæйраг нысан - фæндаггон фыдбылызты нымæц фæкъаддæр кæнын. Инспектортæ ма иу-хатт сидынц адæммæ, цæмæй къæрцхъусдæр уой фæндæгтыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv