Фæстаг суткæмæ Цæгат Ирыстоны рынчындæтты пациентты нымæцыл ма бафтыд 32 адæймаджы

Ныртæккæ Цæгат Ирыстоны рынчындæтты ис 610 адæймаджы. Уыдонæй ковид рабæрæг 352-мæ. Реанимацийы сты 70 адæймаджы, аппаратты фæрцы дзы улæфынц 24 пациенты. Республикæйы æнæниздзинад хъахъхъæныны министрады специалисттæ сидынц адæммæ, цæмæй, æнæмæнг, æххæст кæной санитарон домæнтæ. Дарой маскæтæ, пайда кæной антисептиктæй. Медиктæ зæгъынц, зæгъгæ, хъæуы вакцинаци ацæуын. Уый тыххæй курдиат бадæттæн ис бынæттон поликлиникæмæ, кæнæ прививкæмæ хи ныффыссæн Паддзахадон лæггæдты порталы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv