Æртæ азæй фылдæр кæуыл цæуы, уыцы сывæллæттæн, дыккаг хатт бафиддзысты материалон æххуыс

Æртæ азæй фылдæр кæуыл цæуы, уыцы сывæллæттæн, дыккаг хатт бафиддзысты материалон æххуыс. Премьер-министр Михаил Мишустин бафыста сæрмагонд бардзырд. 10 мин сомы раздæр чи райста, уыдоны дыккаг хатт курдиат дæттын нал хъæуы, лæвæрд цæудзысты автоматикон хуызы. Æхцайы фæрæзтæ фыццаг хатт дæр чи нæма райста, уыдон июнь æмæ июлæн сæ къухы бафтдзысты æмткæй. Финансон æххуыс райсынæн курдиат ныууадзæн ис паддзахадон лæггæдты порталы 1-æм октябры онг. Æдæппæтæй уыцы хъуыддагæн рахай кодтой 270 млрд сомы. Материалон æххуысæй спайдагæнæн ис алкæмæндæр, бинонты æфтиæгтæ æмæ социалон æххуысы фиддонтæй аразгæ нæу. Ныййарджытæн баххуыс кæныны уынаффæ уыд Владимир Путины хъæппæрис. Раздæр президент бахаста фæндон, æртæ азы кæуыл нæма цæуы, ахæм сывæллæттæ цы бинонты ис, уыдонæн апрелæй июнмæ социалон фиддонты хуызы 5 мины бафидын. 3 азæй 16 азы онг кæуыл цæуы, уыцы сывæллæттæн та рахай кодтой фæйнæ 10 мин сомы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv