Азымты Иринæ кусæг балцы уыд Мæздæджы районы

«Мæгуырдзинадимæ тохы» программæйыл куыст æмæ ахуырады къабазы хъæугæ специалистты нымæц. Ацы фарстатыл дзырдтой вице-премьер Азымты Иринæйы кусæг балцы рæстæг Мæздæджы районы. Ныхас кодтой фæсивæдон политикæ æмæ культурæйыл. Бæлвырддæр нæ дарддæры æрмæджы. Мæздæджы районы ис 29 скъолайы. Дыууын иуы уавæр дзы сæ хуыздæртæй нæу. Ахæм ныллæг бæрæггæнæнтæ районы нырма нæ уыд. Азымты Иринæ муниципалон сконды разамындæн бабар кодта хъуыддагмæ карздæр цæстæнгасæй æркæсын. Бæстонæй бакусын, цæмæй ахуырадон процесс æмбæлгæ æмвæзадмæ рахиза. Ног скъолаты арæзтад хуыздæры 'рдæм сахаддзæн, æмæ ахуыргæнæндæтты айсдзысты ахуыры дыккаг фæлтæр. Дæс скъолайы байгом «Точка роста» центртæ. Фидæны аз ма дзы фæзындзæн ноджы фондз. Фылдæр æргом здахдзысты хими, биологи æмæ физикæмæ. Ныртæккæ ахуырады къабазы риссагдæр фарста у кадртæ. «Земский учитель» программæйы фæлгæты районы кусы 6 ахуыргæнæджы. Азымты Иринæ бабар кодта æргом раздахын, ахуыргæнджытæ фаг кæй не сты, уыцы фарстамæ. Æмбырды ма æрдзырдтой фæсивæды политикæйы райрæзтыл. Йæ æххæст кæнынæн рахай кодтой сæдæ милуан сомы. Азымты Иринæ куыд бафиппайдта, афтæмæй скъоладзаутæ æмæ студенттæ хъуамæ зоной сæ гæнæнты тыххæй æмæ сæ пайда кæной. Сæрæн фæсивæды разæнгард кæнын социалон-экономикон, æхсæнадон-политикон æмæ районы культурон царды архайынмæ. Æрыгон адæмы ахуыр кæнын амалхъомад æмæ экономикæйы къабазы архайыныл. Фæсивæдон программæ Мæздæджы районы куыд æххæстгонд цæуы, уымæй Азымты Иринæ разыйæ нæ баззад. Кадртимæ къуылымпыдзинæдтæ ис социалон хъахъхъæнынады управленийы дæр. Нæ фаг кæнынц хайадты разамонджытæ æмæ специалисттæ. Социалон органы куысты фæдыл æппæты фылдæр хъæстытæ æрбацæуынц Мæздæджы районы цæрджытæй. Уымæн аххосаг у, кусджытæ кæй нæ фаг кæны, уый. Чи ис, уыцы специалисттæ та фыдæбон кæнын,ц цы æмбæлы, уымæй фылдæр. Вице-премьер бабар кодта, цыбыр рæстæгмæ ведомствæйы куыст фæткмæ гæсгæ нысангонд куыд æрцæуа, афтæ. Азымты Иринæмæ ма фарстатæ сæвзæрд «Мæгуырдзинадимæ тохы» программæйы фæдыл. Районы æххуысцух цæрджытимæ бафыстой æрмæст 55 контракты. Æмбырды архайджытæ ма се 'ргом аздæхтой культурæйы æмæ спорты къабæзтæм. Павлодольская станцæйы бындуронæй сцалцæг кодтой культурæйы хæдзар. Ацы аз сног кæндзысты культурæйы хæдзæрттæ Сухотское, Троицкая æмæ Хъызлары. Ивгъуыд аз ма районы сарæзтой бирæвæрсыг спортивон фæзтæ. Терская, Киевское æмæ Веселое хъæуты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv