Сергей Меняйло республикæйы хицауады размæ сæвæрдта ног хæстæ

Ног хæстæ æмæ фиппаинæгтæ. Республикæйы хицауады æмбырд абон райдыдта Сергей Меняйлойы раныхасæй. Регионы сæргълæууæджы хæстæ рæстæгмæ æххæстгæнæгмæ бирæ фарстатæ разынд арæзтад æмæ экономикон райрæзты министрадтæм. Хицауады уæнгты размæ сæвæрдта хæс æмбырдты фарстатыл бæрнондæрæй кусын. Æмбырд райдыдта республикæйы сæргълæууæджы хæстæ рæстæгмæ æххæстгæнæг Сергей Меняйлойы раныхасæй. Фæнысан кодта, Президент йе `рвылазон сидты Федералон æмбырдмæ цы фарстатыл ныхас кодта, уыдонмæ æргом аздахын. Бакусын хъæуы æмбæлгæ нормативон акттæ æмæ закъонадмæ ивддзинæдтыл. Сергей Меняйлойы ныхæстæм гæсгæ, æвæрд хæстыл кусын райдайын хъæуы æвæстиатæй. Хæстæгдæр рæстæг цы фарстайыл бакусын хъæуы, уыдонæй иу у хъалонфидæг кусæндæтты номхыгъд бабæлвырд кæнын. Сергей Меняйлойы уынаффæмæ гæсгæ, ууыл хъуамæ бакуса Хицауад æмбæлгæ уынаффæйы бындурыл. Хъуамæ дзы нысангонд уа кусæг къорды разамонæг, йæ уæнгтæ алы къабазмæ гæсгæ дæр, стæй цы `мгъуыдмæ арæзт уыдзæн, уый. Ныхас цыд регионы хиуауады уæнгты кусæг балцытыл. Хъуамæ æнæмæнг уой хъомысджын. Фарстамæ йæ цæст дарынмæ снысан кæндзысты бæрнон специалисты. Сергей Меняйло бахæс кодта дзуапдæттæг министрадæн Дзæуджыхъæуы уынгты арæзтадон куыстытæм лæмбынæгдæр æркæсын. Экономикон рæзты министрады размæ та сæвæрдта хæс хъæугæ гæххæтытæ бацæттæ кæнын, республикæйыл цас транзитон уæзласæн хæдтулгæтæ цæуынц, уый фæдыл. Хицауады уæнгтæ ма æрныхас кодтой æнæмæнг медицинон фæдзæхстадон территориалон фонды бюджетыл ивгъуыд, 2022 æмæ 2023 азтæм. Сфидар ма кодтой республикæйы цæрджытæн хъусынгæнæн системæты фæткæвæрд. Хуасдзауты Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv