Проект «Мечтай со мной»-йы бархионтæ æххæст кæнынц, уæззау низтимæ чи тох кæны, уыдоны бæллицтæ

Хи чиныг ныммыхуыр кæнын, йе та дард горæтмæ абалц кæнын. Хæрзаудæн проект «Мечтай со мной»-йы бархионтæ æххæст кæнынц, уæззау низтимæ чи тох кæны, уыдоны бæллицтæ. Баххуыс кæнын у алкæйы бон дæр. Бонæй-бонмæ, проектмæ куыд фæндыйы цæстæй чи нæ кæсы, уыдоны нымæц кæны фылдæр. Республикæйы сæргълæууæгимæ æнæхъæн бон арвитын, уый уыди Текъойты Георгийы бæллиц. Хъæрджынты Сосланы стырдæр бæллиц та уыд завод «Автоваз» йæхи цæстытæй фенын. Дудуйты Римæ та бирæ азты дæргъы фæнд кодта Санкт-Петербургмæ абалц кæнын. Ахæм сты, уæззау низтимæ чи тох кæны, уыдоны бæллицтæ. Сты алыхуызон. Æххæст сæ кæны проект «Мечтай со мной». «Хæрзæрæджы, карантины агъоммæ сæххæст кодтам Хъулаты Раисæйы бæллиц. Фæндыди йæ йæ хæдзары цур ирон музыкæйы концерт фехъусын. Йæхæдæг фæндырдзæгъдæг у. Ныртæккæ йæ бон æзмæлын нæу. Йе 'нæниздзинады уавæр ын ахæм фадат нæ дæтты. Æрбахуыдтам ирон эстрадæйы минæвæртты, цæмæй йын йæ зæрдæ бахъæлдзæг кæной», - региональный руководитель федерального благотворительного проекта «Мечтай с мной» Байцаты Нинæ. Бирæтæ афтæ хъуыды кæнынц, ома, æвзæр низимæ чи тох кæны, уымæн йе 'ппæт хъуыдытæ дæр баст сты йе 'нæниздзинадимæ. Фæлæ, уый бынтон раст нæу. Кæйдæр фæнды йæ уарзон зарæггæнæгимæ фембæлын, кæйдæр та- гæды кæнæ къæбылаимæ ахъазын. «Цас фылдæр адæм базоной, уыййас фылдæр бæллицтæ сæххæст кæндзыстæм. Ацы куыст цæмæн кæнæм? Уæззау низтæй рынчын адæм сæ царды хæдзар æмæ рынчындон йеддæмæ ницы уынынц. Мах та фæнды, цæмæй йæ бамбарой, сæ царды ма ис æндæр ахсджиаг хъуыддæгтæ. Ис нæм бирæ дæнцæгтæ, адæмæн сæ бæллиц куы сæххæст, уæд се'нæниздзинады уавæр зынгæ фæхуыздæр», - региональный руководитель федерального благотворительного проекта «Мечтай с мной» Байцаты Нинæ. Æппæт бæллицтæ дæр сты сæрмагонд сайты мечтайсомной.рф. Сæххæст кæнын сæ у алкæй бон дæр. Проект аразджыты ныхæстæм гæсгæ, алы æххæстгонд бæллиц дæр рынчынæн йæ низ сафы æмæ æнæниздзинад фидардæр кæны. Хуасдзауты Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv