«Собери ребёнка в школу» хæрзаудæн акци цæуы Дзæуджыхъæуы

«Собери ребёнка в школу». Ахæм хæрзаудæн акци цæуы Дзæуджыхъæуы. Алкæй бон дæр дзы у бацархайын. Дуканийы балхæнын скъоладзауæн æнæмæнг хъæугæ дзауматæ æмæ сæ сæрмагонд асыччы сæвæрын. Уый фæстæ сæ ратдзысты бирæсывæллонджын æмæ фæкæсинаг бинонтæн. «Канцтоварищ» дукани фонд «Быть добру»-имæ иумæйагæй ахæм хуызы бирæ азты дæргъы æххуыс кæнынц адæмæн. Хæрзаудæн фонд «Быть добру» республикæйы фæллой æмæ социалон рæзты министрадимæ иумæ 7 азы дæргъы æххуыс кæнынц фæкæсинаг бинонтæн. Ацы аз та баххуыс кодтой фыццагкъласонты скъоламæ сæмбырд кæнын. Самал сын кодтой уæлæдарæс дæр. Акци цæуы мæйы дæргъы. 1 сентябры онг фæнд кæнынц 1 мин æмæ 500 бинонтæн баххуыс кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv