Цæгат Ирыстоны дарддæр цæуы вакцинаци коронавирусы ныхмæ

Цæгат Ирыстоны дарддæр тох кæнынц COVID-ы ныхмæ. Гом кæнынц вакцинацигæнæн ног пункттæ. Цæрджыты æнцойдзинадæн Æнæниздзинад хъахъхъæныны министрад сарæзта мобилон къордтæ. Уыдон адæмæн прививкæтæ кæнынц сæ куысты æмæ ахуыры бынæтты. Ныр та ма уыцы фадат фæзынд базарадон центрты æрбацæуджытæн дæр. Ахæм уавæрты вакцинæ скæнын кæй фæнды, уыдон гыццыл не сты. Базарадон центры сæумæ райсомæй фæстæмæ æмбырд кæнынц адæм. Уыдон сты коронавирусы ныхмæ прививкæ скæнын кæй фæнды, уыдон. Сæ иу Джиоты Хазби. Куыд загъта, афтæмæй йæ рагæй фæндыди вакцинæ райсын, уымæн æмæ йæ бинонты 'хсæн ис ацæргæтæ дæр, æмæ сывæллæттæ дæр. Фæлæ йын поликлиникæйы рады лæууыны фадат нæ уыд. Куы йæ базыдта, ам вакцинаци цæуы, уæд уайтагъд æрбацыд. Сахаты æрдæгмæ вакцинæ райстой 6 адæймаджы. Ам дæр, куыд поликлиникæйы, афтæ фыццаг цæуынц дохтыры æркаст. Бæрæг сын кæнынц буары тæвд, туджы æлхъывдад. Фиппаинæгтæ куы нæ разыны, уæд скæнынц прививкæ. Медицинон кусджытæ куыд зæгъынц, афтæмæй санитарон домæнтæ æппæт дæр æххæстгонд цæуынц. Уæдæ вакцинацимæ сæ хъус дарынц фæдзæхстадон службæйы минæвæрттæ дæр. Адæмæн ис фадат, цы фарстатæ сæм ис, уыдонимæ фæсидын специалисттæм. Вакцинаци базарадон центры райдыдта11 сахатыл, æмæ цыди 3 сахаты дæргъы. Уыцы рæстæгмæ вакцинæйы фыццаг компонент райстой дæсгай адæм. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv