Дзæуджыхъæумæ радон хатт æрцыд «Уæлахизы поезд» алыхуызон историон экспонаттимæ

Дзæуджыхъæумæ та радон хатт æрцыд «Уæлахизы поезд». Уый у Уæрæсейы иунæг бынативгæ музей Фыдыбæстæйы Стыр хæсты цаутæ æвдисæг. Æппæт экспонаттæ дзурæг сты уæды рæстæджы цаутыл. Цыма дзы ис фенæн, уый тыххæй нæ дарддæры æрмæг. Æдзынæг фæлгонцтæм сывæллæттæ цымыдисæй кæсныц. Цыма сын сæ царды алы уысм æнкъарынц, афтæ. «Уæлахизы поезды» иу вагонæй иннæмæ цæугæйæ æнкъарæнтæ сты алыхуызон. Æгæрон адæймаг бамбары Фыдыбæстæйы Стыр хæсты рæстæг советон хæстонтæ цы зын уавæрты уыдысты, уый. Ам иу дзаума дæр хуымæтæг нæу, алы экспонат дæр у уæды рæстæгæй. Поезды рудзгуыты бæсты ис видео æрмæджытæ æвдисæн гæрзтæ. Уазджыты рæзты згъорынц æрдзы алыхуызон нывтæ,хæстон хроникæ. «Уæлахизы поезды» Дзæуыджæъæуы ис ныр дыккæгæм хатт. Республикæйы цæрджытæн музей ныридæгæн сси уарзон. Республикæйы хицауады сæрдар Дзанайты Барис дæр цæрджытимæ иумæ федта стыр нысаниуæг кæмæн ис, уыцы ахсджиаг экспонаттæ. Ныридæгæн поезд уыд Уæрæсейы 85 горæты. Экспозицийыл бакуыстой, фæзынд дзы ног вагон, снысан æй кодтой Брестæн. Экспозици сцымыдис кæны куыд сывæллæтты, афтæ хистæр кары адæмы дæр. Уæвгæ ацы цаумæ республикæйы цæрджытæ сæхи бафыстой рагагъоммæ. Музеймæ æрбацæуыны фадат уыдзæн 24 февралы онг. Уый тыххæй хъæуы сайт поездпобеды.рф-ы хи ныффыссын. Дзæуджыхъæуæй та «Уæлахизы поезд» абалц кæндзæн Налцыкмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv