Паддзахадон Думæ бахаста ивддзинæдтæ дзыллон информацийы фæрæзты куыстмæ

Уæрæсейы ныр административон æгъдауæй æфхæрдзысты уыцы дзыллон информацион фæрæзтæ, террористон организациты тыххæй дзургæйæ ног фæтк чи не `ххæст кæна. Æнæмæнг хъуамæ нысан кæной, Уæрæсейы ахæм организацитæн архайыны бар кæй нæй, уый. Ацы закъон сфидар кодтой абон Паддзахадон думæйы æртыккаг, кæронбæттæны бакасты. Документмæ гæсгæ Административон закъонхæлдты кодексы снысан кæндзысты ивар 2-йæ 2,5 мин сомы онг хуымæтæг адæмæн, 4-æй 5 мин сомы онг бæрнон кусджытæн, стæй 40-æй 50 мин сомы онг, юридикон бæрнондзинад кæмæ ис, уыдонæн. Паддзахадон Думæмæ ацы закъоны проект бахастой январы, бастдзинад, информацион политикæ æмæ информацион технологиты комитеты сæрдар Александр Хинштейн æмæ йæ хæдивæг Сергей Боярский. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv