Ахуырады системæ хуыздæр кæныны фарстатыл æрныхас кодтой кусæг къорды æмбырды

Ахуырады системæ хуыздæр кæныны фарстатыл æрныхас кодтой кусæг къорды æмбырды. Амыдта йæ Битарты Вячеслав. Цæгат Ирыстоны ахуырады хъæрзхъæддзинад хуыздæр кæнынæн æмæ йæ дарддæры райрæзты тыххæй бакуыстой сæрмагонд программæйыл. Арæзт у 4 проектæй - «Эффективный руководитель», «Эффективный учитель», «Эффективная модель функционирования системы образования» æмæ«Эффективная воспитательная работа», зæгъгæ. Æххæст кæнын æй райдайдзысты ног ахуыры аз. Людмила Башарина куыд загъта, афтæмæй проектты сæйраг хæс у ахуырадон процессы хæрзхъæддзинад бæрзонддæр кæнын. Æххуыс уыдзысты ахуырады рацарæзтæн. Битарты Вячеслав программæ хорзыл банымадта. Фæлæ йæм ивддзинæдтæ бахæссын дæр хъæуы, загъта республикæйы сæргълæууæг. Хъуамæ йе 'ххæст кæныны алы къæпхæнæн дæр уа дзуаппдæттæг адæм. Уымæн æмæ скъолаты куыстмæ куыдфæндыйы цæстæй кæсæн нæй. Уым сывæллон рæзы æмæ дзы рауайы хъæрзхъæд адæймаг. Æнæмæнг хъуыддаг ма у, дæсны специалистты разæнгард кæнын ацы куыстмæ. Директортæ, ахуыргæнджытæ æмæ æндæр кусджыты цæттæдзинад хъуамæ уа нырыккон программæтæм гæсгæ, цæмæй сæ зонындзинæдтæ сывæллæттæн дæттынхъом уой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv