Фыццæгæм февралмæ абитуриенттæ хъуамæ равзарой, иумæйаг Паддзахадон фæлварæн цы предметтæй дæтдзысты

11-æм къласы ахуырдзаутæн ралæууыд ахсджиаг рæстæг. Фæсивæд райдыдтой сæхи цæттæ кæнын Иумæйаг Паддзахадон фæлварæнмæ. Ныффыстой уал кæронбæттæты нывæцæн æмæ ахӕм хуызы райстой фӕлварæнмæ бахауыны бар. 1-æм февралмæ та, æнæмæнг предметтæй уæлдай, хъæуы, сæ дæсныйадыл сахуыр кæнынæн сæ цы предметтæ хъæуы, уыдон сбæлвырд кæнын. Бæлвырддæр радзурдзæн нæ уацхæссæг Калоты Дзерассæ. Хæстæг æхсæз мæйы скъоладзуатæн у æппæты ахсджиаг рæстæг. Фæсивæды хъæуы равзарын, сæ фидæн цавæр дæсныйадимæ сбæтдзысты, уый. Сбæрæг кæнын хъæуы канд уæлдæр ахуыргæнæндон нæ, фæлæ ма факультет дæр. Домæнтæ сты алыхуызон. Алы факультетæн йæхи фæтк. Ныридæгæн уал скъоладзаутæ сæхи цæттæ кæнынц Иумæйаг паддзахадон фæлварæн раттынмæ. Паддзахадон фæлварæнмæ цæттæ кæнын райдыдтой ахуырадон азы райдиан. Тестытæ, æрмæгыл бæстон куыст æмæ уæлæмхасæн литературæ. Фæлварæнты 'хсæн ма — уырссаг æвзагæй кæронбæттæны нывæцæн. Нымад у Фæлварæнмæ бахауыны æнæмæнг къæпхæныл. Æнæмæнг предметты 'хсæн — математикæ. Иннæ предметтæ та ис равзарæн. Ацы хъуыддаджы фидæны абитуриенттæн бар ис цасфæнды фæлварæнтæ равзарын. Уæд сæ гæнæнтæ дæр фæфылдæр уыдзысты. Фæлварæнтæ дæттыны сæйраг къæпхæн райдайдзæн 26 майы æмæ ахæсдзæн 2-æм июлмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv