12-æм майы бæрæг кæнынц Медицинон хойы æппæтдунеон бæрæгбон

Фыццаг медицинон æххуыс раттынæй уæлдай уды хъарм æмæ ныфс бауадзын, фæлмæн ныхас сæм скæнын. Cæ профессионалон бæрæгбоны фæдыл арфæтæ абон исынц медицинон хотæ. Адæймаджы рыст зæрдæмæ хæстæг исын æмæ хæларзæрдæ уæвын. Ацы миниуджытæй хъуамæ æххæст уа медицинон хо. Афтæ хъуыды кæны Ангелина Головина дæр. Æвзонг чызг ахуыр кæны медицинон колледжы фыццæгæм курсы. Ныридæгæн фидарæй снысан кодта, йæ фидæн медицинæйы къабазимæ кæй бабæтдзæн, уый. Кæд Ангелинæ æрыгон у, уæддæр йæ ныфс хæссы «сырх зонæйы» рынчынтæн æххуыс кæнынмæ дæр. «Сырх зонæйы» зындзынæдтæ йæхæдæг чи бавзæрста, уыдоны 'хсæн уыд Хохойты Аслан. Уыцы уæззау рæстæгæй у уæлдай сæрыстыр. Разы та канд йæхицæй нæу, фæлæ æппæт медицинон кусджытæй дæр. Лæппу «сырх зонæйы» æххæстæй бамбæрста, медицинон æфсымæр йæ царды нысан кæй у. Ахуыргæнæндоны разамонæг Реуазты Таймураз ахсджиагдæрыл нымайы дæсны кусджытæ цæттæ кæнын. Уый тыххæй ахуыргæнинæгтæн ис æппæт уавæртæ дæр. Медицинон колледж ныридæгæн æххæст у хъæугæ ифтонггæрзтæй. Кæд ахуыргæнинæгтæ медицинæйы фæндагыл æрæджы æрллæууыдысты, уæд Габеты Зæлинæйы фæлтæрддзинадмæ та ис æрмæст бахæлæг кæнæн. Рынчынтæн фыццаг æмæ сæйрагдæр æххуыс бакæнын медицинон хойы хæс кæй у, уый йæ зæрдæмæ цæуын райдыдта йæ сабибонты. Йæ бæллиц сæххæст æмæ ныр 40 азы дæргъы кусы тагъд æххуысы клиникон рынчындоны. Медицинон хотæ сæ куыст нæ уадзынц сæ профессионалон бæрæгбоны дæр. Абон иннæ кусджыты æмрæнхъ лæууынц æмæ тох кæнынц низы ныхмæ. Уымæй та кæстæртæн æвдисынц дæнцæг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv