Цæгат Ирыстоны хицауад мадæлты капиталы регионалон фиддонтæн рахай кæндзæн 186 милуан сомы

Цæгат Ирыстоны хицауад мадæлты капиталы регионалон фиддонтæн рахай кæндзæн 186 милуан сомы. Йæ республикон хай у 50 мин сомы. Фидынц æй 2012-æм азæй фæстæмæ гуырд сывæллæттæн, стæй æртыккаг æмæ уымæй фылдæр сывæллоны цы бинонты райгуырд, уыдонæн. Цæгат Ирыстоны фæллой æмæ социалон райрæзты министрады хъусынгæнинагмæ гæсгæ, ацы аз фиддонтæ райсдзысты дыууæ азæн. Бæлвырддæр 2013-æм азы гуырд 1 895 сывæллонæн æмæ 2014 азы чи райгуырд, уыцы 1 826 сывæллонæн. 2015 азы ноггуырдтыл схардз кæндзысты 85 милуаны. Æхцайы фæрæзтæ райсæн уыдзæн, сывæллоныл æртæ азы куы сæххæст уа, уæд. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv