Æрыгон иртасджыты республикон конкурс "Ступень в науку" цæуы Дзæуджыхъæуы. Архайынц дзы 360 адæймаджы, 6 азæй 18 азы онг кæуыл цæуы, ахæмтæ. Иууылдæр ацыдысты конкурсы æвзарæн къæпхæн. Республикæйы ахуыргæнæндæтты минæвæрттæ сæ наукон куыстытæ æмæ проекттæ хъахъхъæнынц цалдæр здæхтмæ гæсгæ. Се 'хсæн "Искусствоведение", "Медицина и ЗОЖ", Математика", Культурология". Куыстытæн аргъ кæнынц жюрийы уæнгтæ. Эксперттæ систы наукæты кандидаттæ, уæлдæр ахуыргæнæндæтты æмæ скъолаты педагогтæ. Конкурсы уæлахиздзаутæ ахиздзысты иннæ къæпхæнмæ. "Наукæмæ къæпхæн" æркаст аразынц сывæллæтты сфæлдыстады республикон галуан, ахуырад æмæ наукæйы министрад, ЦИПУ æмæ Цæгат Кавказы хæххон металлургон институт.