Цæгат Ирыстоны сбæрæг кодтой Тутыры бон

Цæгат Ирыстоны сбæрæг кодтой фольклорон-этнографион бæрæгбон Тутыртæ. Йæ мадзæлттæ йын сарæзтой республикæйы Национ музейы цур фæзыл. Кæд боныхъæд сæ хæрзтæй нæ рауад, уæддæр адæмæн сæ зæрдæйы ахаст хъæлдзæг уыд. Цæмæй хæдзарон фос ма сæфой, уый тыххæй-иу адæм сæ куывдтытæ ацы бардуагæн кодтой. Уыцы рæстæг-иу, зæгъынц, тугдзыхтæ уайтагъд лыгъд радтой. Фæлæ рæстæг куыд цæуы, афтæ ацы бæрæгбон дæр адæмæй рох кæны. Йе `гъдæуттæ йын нал æххæст кæнынц, куыд æмбæлы, афтæ. Æмæ ахæм бæрæгбæттæ та уымæн ахъаз сты. Кæд боныхъæд сæ хуыздæртæй нæ рауад, уæддæр Национ музейы алфамбылай уыд хъæлдзæг æмæ цымыдис. Иу ран национ армукъатæ, иннæ ран - кæфтытӕ, цагъд, хъазт. Адæм ирон чъиритæй аходынц. Бæрæгбоны концерт бацыд йæ тæмæны. Фыдæлты æппæты нымаддæр бæрæгбæттæй иу - Тутыр. Уый уарзта сыгъдæгдзинад æмæ рæстдзинад. Тутыртæ сты ног азы бæрæгбӕттӕй сӕ иу. Нæ фыдæлтæ йæм куывтой, йæ ном агургæйæ. Сылгоймагæн æй дзурыны бар нæ уыд. Фæлæ-иу ыл уыдон дæр фæдзæхстой сæ кæстæрты. Йæ хорзæхмӕ ӕнхъӕлмӕ кастысты. Бæрæгбон сарæзта республикæйы фæсивæды хъуыддæгты фæдыл комитет æмæ æфсæддон патриотон хъомылады центр, Дзæуджыхъæуы администрацийы культурæйы разамынды æххуысæй. Бæрæгбон ахсджиаг кæй у, æмæ йæ рох кæнын кæй нæ хъæуы, ууыл дызæрдыг ничи кæны. Ирон æгъдæуттæ ма рох кæнынӕн алы нымад бонмæ дӕр хъæуы сæрмагонд цæстдард. Тутыры бæрæгбонмæ ногæй се 'ргом кæй раздæхтой, уымæй зæрдæ райы. Ахæм мадзæлттæ фæрцы не `гъдæуттæн сæфынæй тас нæу. Пелиты Сæбинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv