Цæгат Ирыстоны 6 æнæкоммерцион организацийы фæуæлахиз сты президенты грантты Фонды

Цæгат Ирыстоны 6 æнæкоммерцион организацийы фæуæлахиз сты президенты грантты Фонды ацы азы фыццаг конкурсы. Абон сæ проекттæ равдыстой æхсæнадон палатæйы уæнгтæн. Æппæты стырдæр грант - 3 милуан сомы - рамбылдта социалон-культурон уагдон «Благодать». Цæгат Ирыстоны байгом кæндзæн «Нымæты хæдзар». Проект офлайн хуызы аххæсдзæн 200 адæймагыл. 5 мин адæймаджы дзы архайдзысты онлайн хуызы. 2 милуан сомæй фылдæр рамбылдтой «Педагогты-психологты ассоцаци». Проекты руаджы сæ фæлтæрдддзинад фæбæрзонддæр кæндзысты скъолайы агъоммæйы кусæндæтты хъомылгæнинæгтæ. Сæ фылдæр баст сты, йе 'нæниздзинад хъыгдард кæмæн у, уыцы сабитимæ. Культурæйæн æххуысы фонд «Аланика» президенты гранты руаджы бабæтдзæн нырыккон æмæ традицион аивад. Бæлвырддæр дзургæйæ культурон æмæ историон нысаниуæг цы объекттæн ис, уыдон. «Сфæлдыстадон хъæппæристы бюро «Мост» рамбылдта 497 мин сомы. Авторты сæйраг хæс Едзиты Сослæнбеджы культурон хæзнатæ бахъахъхъæнын. Проекты фæлгæты Сындзыхъæуы Едзиты Сослæнбеджы номыл хæдзар- музейы бацæттæ кæндзысты дæсныйы куыстыты видеравдыст. Цæгат Ирыстоны æхсæнадон организаци «Кавказкий позитив» йæ гранты руаджы бацæттæ кæндзæн медиабархионты къорд. Активисттæ ацæудзысты ахуыртæ. Æнæкоммерцион организаци «Заботушка» йæ 500 мин сомы схардз кæндзæн фыццаг инклюзивон театралон фестиваль саразыныл. Проекты фæлгæты сæвæрдзысты спектакль онлайн хуызы. Архайдзысты дзы, йе 'нæниздзинад кæмæн фæцудыдта, уыцы сывæллæттæ. Сывæллæтты хæдзæртты хъомылгæнинæгтæ, интернатты ахуыргæнинæгтæ. Театралон архайджыты цæдисы архайдта бирæ грантты конкурсы. Фæархайæм Ис нын цымыдисаг истори. Арæх фæаразæм алыхуызон мадзæлттæ. Уыимæ ма инклюзивонтæ дæр. Ацæргæ дæмы хæдзар «Узæлд»-ы фæзынд инклюзивон театр «Вдохновение». Гастрольты дæр уыдыстæм. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv