Журналисттæн радзырдтой, вакцинæ цавæр уавæрты хъуамæ дарой, уый

Куыд хъахъхъæд хъуамæ цæуа короновирусы ныхмæ вакцинæ, уый тыххæй журналисттæн радзырдта Дзæуджыхъæуы 7-æм поликлиникæйы эпидемиолог Юлия Жирняк. Куыд загъта афтæмæй, хъуамæ æххæсгонд цæуой сæрмагонд домӕнтӕ. Фыццаг уал, вакцинæ цы куыстуаты уадзынц, уым. Стæй та йæ цы афтектæм раттынц, уым. Уый фæстæ - бынæттон амбулаторитæ æмæ поликлиникæты. Алы къæпхæны дæр æххæст кæнын хъæуы æмбæлгæ температурон фæтк - Гам-Ковид-Вак хъуамæ æвæрд уа ахæм ран, 20 градусы онг уазал кæм у. Æппæт уыцы домæнтæ медицинон кусджытæ зонынц æмæ сæ æххæст кæнынц. Ис сæм уазалгæнæнтæ, сæрмагонд термоконтейнертæ. Афтæмæй вакцинæ ис дарæн мæйы бæрц. Юлия Жирняк, Дзæуджыхъæуы 7-æм поликлиникæйы эпидемиолог: «Æнæнхъæлæджы уавæрты рæстæг, зæгъæм, электрон тых ахуыссыд, науæд æндæр аххосæгтæ, уæд æндæр поликлиникæимæ бафыссæм бадзырд. Вакцинæ фæхæццæ кæнæм уырдæм. Ис нæм темоконтейнертæ, уазалгæнæн элементтæ. Уыдонæй спайда кæнгæйæ вакцинæ нæ фесæфы». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv