2020 азы проекты руаджы Цæгат Ирыстоны сцалцæг кодтой 152 кæрты æмæ 39 æсхæнадон фæзуаты

2020 азы Цæгат Ирыстоны сцалцæг кодтой 152 кæрты æмæ 39 æсхæнадон фæзуаты. Куыстытæ баххæст кæнын бантыст программæ «Комфортная городская среда»-йы фæлгæты. Программæйы куысты хатдзæгты тыххæй журналисттæн радзырдтой цæрæнуæтты коммнуалон хæдзарад, артаг æмæ энергетикæйы министрады. Проекты руаджы Дзæуджыхъæуы снывыл кодтой Хетæгкаты Къостайы номыл сæйраг фæз, Коцойы фырты номыл уынджы аллей æмæ парк Октябрьскæйы. 2024 азмæ хъуамæ сцалцæг кæной 157 æхсæнадон бынаты æмæ 632 кæрты. 2021 азмæ базилинаг объектты хыгъд ныридæгæн арæзт у. Программæйыл бакусынæн проектон гæххæттæ домæнтæм гæсгæ арæзт сты æви нæ, уымæ сæ цæст дарынц архитектурæйы комитеты специалисттæ. Ведомствойы куыд фæбæрæг кодтой, афтæмæй, раздæримæ абаргæйæ, проектон гæххæтты хæрзхъæддзинад зынгæ фæхуыздæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv