Дзæуджыхъæуы æдасдзинады фарстатыл æрдзырдтой горæты администрацийы

Дзæуджыхъæуы администрацийы æрдзырдтой горæты æдасдзинады фарстатыл. Сæ куыстæн хатдзæгтæ скодтой æнæнхъæлæджы уавæрты фæстиуджытæ иуварс кæныны фарстаты фæдыл къамисы æмбырды. Куыд фæнысан кодтой, афтæмæй фарон Дзæуджыхъæуы æнæнхъæлæджы цаутæ бæрæггонд не 'рцыд. Æдæппæтæй сарӕзтой къамисы 6 æмбырды. Ныхас цыд ахсджиагдæр фарстатыл. Зæгъæм, ахуырадон уагдæттæ ног ахуырадон азмæ бацæттæ кæнын, цæрæнуæтты коммуналон хæдзарæдтæ та — хъармдæттæн рæстæгмæ. Фароны хатдзæгтæм гæсгæ, муниципалон ахуырад Дзæуджыхъæу банымадта республикæйы граждайнаг, уыимæ æнæнхъæлæджы цауты рæстæг цæрджыты хъахъхъæнынады къабазы хуыздæрыл. Æмбырды ма æрдзырдтой донивылдты æмæ зынгсирвæзтыты ныхмæ æдасдзинады домæнтыл. Ныридæгæн нысангонд æрцыд къамисӕн йӕ афæдзмæ куысты пълан. Сбæрæг кодтой ахсджиагдæр фарстатæ æмæ се 'ххæст кæныны æмгъуыдтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv