Сергей Меняйло фембæлд республикæйы арæзтад æмæ архитектурæйы министр Милдзыхты Асланимæ

Сергей Меняйло ма фембæлд республикæйы арæзтад æмæ архитектурæйы министр Милдзыхты Асланимæ. Республикæйы сæргълæууæг ведомствойы разамонæгæн раарфæ кодта йæ ног куысты бынаты фæдыл. Куыд фæнысан кодта, афтæмæй Милдзыхы-фырт ацы къабазы райхалинаг фарстатæ зоны йæ раздæры куыстæй. Сергей Меняйло ног разамонæджы размæ сæвæрдта хæстæ — фыццаджыдæр республикæйы арæзтады рæвдзад фæхуыздæр кæнын. Уæлдай æргом аздахын куыстыты хæрзхъæддзинадмæ. Уымæй уæлдай ма регионы разамонæг бафиппайдта, национ проекттæ хъуамæ нысангонд æмгъуыдмæ æххæстгонд куыд цæуой. Уæ зæрдыл уын æрлæууын кæндзыстæм, Милдзыхты Аслан республикæйы арæзтад æмæ архитектурæйы министрæй нысангонд æрцыд ацы аз 13-æм январы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv