Дзæуджыхъæуы схорзæхджын кодтой æрвылазон зонадон конференци «Коломогоровские чтения» йы уæлахиздзау

Æрыгон ахуыргæндты кадджын уавæры схорзæхджын кодтой Дзæуджыхъæуы. Кæронмæ æрхæццæ регионалон зонадон конференци «Колмогоровы номыл кæстытæ». Архайджытæ уыдысты æппæт республикæйæ. Бæлвырддæр дзургæйæ 5-11-æм кълæсты ахуыргæнинæгтæ. Йæ аразджытæ - Дзæуджыхъæуы зонадон центр, Цæгат Ирыстоны паддзахадон университет æмæ ахуырады къабазы кусджыты фæлтæрддзинад уæлдæр кæнæн институт. Ныр 2003-æм азæй зонадон æмæ иртасæн куыстмæ разæнгард кæнынц курдиатджын фæсивæды. Математикон хынцинæгтæ, физикæ æмæ робототехникæйæ ахуыртæ, стæй химион буаргъæдты æмархайд. 72 адæймаджы сæ иртасæн куыстытæ равдыстой регионалон зонадон конференци «Коломогоровские чтения»-йы. Сты 5-æмæй 11-æм кълæсты ахуыргæнинæгтæ. Зонадон конференци нæ республикæйы фыццаг хатт сарæзтой 2003 азы. Уæд 100 азы сæххæст зындгонд математик Андрей Колмогоровы райгуырдыл. Уæдæй фæстæмæ конференци сси æрвылазон. Йæ сæйраг нысан у æрыгон иртасджыты æнтыстытæм разæнгард кæнын. Уымæ йæ хъус дары нæ республикæйы ахуырад æмæ наукæйы министрад дæр. Дзæуджыхъæуы наукон центры зонадон разамонæг Къусраты Анатолий куыд фæнысан кодта, афтæмæй алкæмæн йæ бон нæу зонадон куыст кæнын. Фæлæ курдиат кæмæ разыны, уыдонæн хъæуы баххуыс кæнын. 17 азы дæргъы ацы конференцийы йæхæдæг дæр ууыл архайы. Жюрийы уæнгтæ уыдысты 22-йæ. Се 'хсæн - зонад æмæ ахуырады раззагдæр кусджытæ, педагогон наукæты кандидаттæ æмæ профессортæ. Æдæппæтæй æркастысты 64 иртасæн куыстмæ. Æдæппæтæй схорзæхджын кодтой 33 æрыгон иртасæджы. Сæ куыстытæ сын рауадздзысты мыхуыры. Кады аккаг систы математикон олимпиадæйы 5 къорды уæнгтæ дæр. 3 æрыгон ахуыргонды та бацархайдзысты Чебышёвы номыл Хуссар-Уæрæсеаг олимпиадæйы. Дзæдзойты Фатимæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv