Полилингвалон ахуырад, Хъахъхъæдуры куывд æмæ киноактер Бæззаты Скиф | Йæ рæстæгыл

Дыууæ боны Дзæуджыхъæуы цыд зонадон-практикон конференци полилингвалон ахуырады фæдыл. Ирыстонмæ уазæгуаты ссыдысты алы рæттæй ахуыргæндтæ. Цæуыл ныхас кодтой ам, уый та нын конференци саразджытæ студийы радзырдтой. Дзырдтам ма, 4-æм октябры Хъахъхъæдуры цы хъæугуывд сараздзысты, ууыл дæр. Фыццаг хатт сын нæу. Хъæуы цæрджытæ йæм сæхи зæрдиагæй фæцæттæ кæнынц. Куыд ыл сæмбæлдзысты, уый нын хъахъхъæдуйрæгтæ комкоммæ эфиры радзырдтой. Йæ рæстæгыл ма нæм саккаг кодта, Ирыстоны чи нæ райгуырд, фæлæ зондæй æцæг ирон чи у, ахæм уазæг. У сфæлдыстады кусæг, иу æмæ дыууæ сурæты нæ сарæзта аивадон кинонывты. Уæдæ та йæ фыдыуæзæгмæ дæр хуымæтæджы не ссыд. Йæхимæ йын-иу байхъусут.