Зилгæйы адæм зианы кæнды æххæст кæнынц санитарон домæнтæ

Коронавирусы низ кæй апарахат, уый тыххæй зианмæ цæуæг адæм хъуамæ санитарон домæнтæ æххæст кæной. Уый Уæрæсейы фæлхасгæнджытæм цæстдарды управленийы амындмæ гæсгæ. Республикæйы сæргълæууæг Битарты Вячеславы уынаффæмæ гæсгæ, зианмæ чи æрбацæуа, уыдонæн хъуамæ уарой медицинон маскæтæ æмæ æрмкъухтæ. Адæм сæхи хъахъхъæнынц æви нæ, уый базыдта не сфæлдыстадон къорд. Адæм фылдæргай кæм æмбырд кæнынц, уыцы рæтты уæлдай тынгдæр хъæуы хи хъахъхъæнын æмæ æнæниздзинады æппæт домæнтæ дæр æххæст кæнын. Зианы кæндмæ æрбацæуджытæй алкæуыл дæр ис медицинон маскæтæ. Кæуыл нæ вæййы, уыдонæн та æрбахизæны байуарынц. Алчидæр архайы социалон дистанци æххæст кæныныл. Ахæм ран дæр адæм се ’нæниздзинадыл хъуыды кæнынц æмæ æппæт домæнтæ æххæст кæнынц. Зилгæйы бынæттон администрацийы куыд зæгъынц, афтæмæй сын маскæтæ æмæ медицинон æрмкъухтæ Республикæйы хицауад алы хатт дæр рахай кæны лæвар. Республикæйы сæргълæууæг Битарты Вячеславы уынаффæмæ гæсгæ, зианмæ цы адæм æрбацæуа, уыдонæн, æнæмæнг, хъæуы медицинон маскæтæ байуарын. Уыимæ ма, Уæрæсейы фæлхасгæнджытæм цæстдарды управленийы амындмæ гæсгæ, зианы кæнды хъуамæ 50 адæймагæй фылдæр ма уа. Уый фадат ратдзæн коронавирусы низ парахат кæнын ма бауадзынæн. Айларты Эмилия _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv