Республикæйы цæуы сæргълæууæджы кубок рамбулыны турнир футболæй

Дзæуджыхъæуы райдыдта хæдахуыр спортсменты 'хсæн футболæй турнир. Бацæттæ йæ кодтой Сергей Меняйлойы хъæппæрисæй. Цæгат Ирыстоны 43 скъолайы минæвæрттæ ерыс кæнынц республикæйы сæргълæууæджы кубокыл. Ахæм мадзæлтты руаджы рæзгæ фæлтæр æмхиц кæны спортмæ. Турниры тыххæй нæ дарддæры æрмæг. Хиуыл нӕ ауæрдгæйæ æрыгон футболисттæ тох кæнынц республикæйы сæргълæууæджы кубок рамбулыныл. Ам се'ппæтæн дæр ис иухуызон бартæ. Уæлахиз фылдæр аразгæ у уагæвæрд, командæйы иудзинад æмæ фыццаг суæвынмӕ тырнынадӕй. Турнир арæзт у Сергей Меняйлойы хъæппæрисæй. Командæты 'хсæн – республикæйы 43 скъолайы минæвæрттæ. Мадзал саразын къухы бафтыд ахуырад æмæ наукæйы, физкультурæ æмæ спорты министрадтæ æмæ фæсивæды хъуыддæгты фæдыл комитеты æххуысæй. Алы командæйæн дæр самал кодтой футболон формæ. Турниры хуыздæр командæйæ уæлдай ма сбæрæг уыдзысты ног курдиæттæ дæр. Ерысты сæйраг нысан – сывæллæтты æнæниз царды уагыл фæцалх кæнын. Сабаты сбæрæг уыдзысты уæлахиздзаутæ æмæ призертæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv