Битарты Вячеслав æмæ Хуыгаты Алан æрдзырдтой спорты райрæзтыл

Республикæйы спорты райрæзтыл Битарты Вячеслав æрдзырдта физкультурæ æмæ спорты министр Хуыгаты Аланимæ. Битарты Вячеслав министрады кусджытӕн загъта бузныг, «футболы Академи» байгом кæнынмæ стыр æххуыс кæй бакодтой, уый тыххæй. Хуыгаты Аланæн бахæс кодта, цæмæй академийы куыстмæ йæ хъус дара, уæлдайдæр та, цæмæй спортивон объекты æнæрлæугæ куыстæн республикон бюджеты æхцайы фæрæзтæ æвæрд уа. Министрадæн ма республикæйы сæргълæууæг бабар кодта, цæмæй футболон клуб «Алания»-имæ æмгуыст кæной. Сæйрагдæр у, цӕмӕй футболон клубы командæ нæ бæстæйы уæлдæр лигæмæ бахиза. Æрдзырдтой республикон стадион «Спартак»-ы рацарæзтыл. Ныртæккæ Дзæуджыхъæуы аразынц егъау центр. Тренировкæ дзы кæндзысты уæгъдибар хъæбысхæстæй. Байгом æй кæндзысты афæдзы кæрон. Нырыккон центр ифтонггонд уыдзæн æппæт хъæугæ гæрзтæй. Сентябры спортивон залтæ иууылдæр скусдзысты. Уымæ гæсгæ Битарты Вячеслав профилон министрæн бабар кодта, цæмæй санитарон домæнтæ бæстонæй æххæстгонд цæуой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv