Дзæуджыхъæуы карантины сæхгæдтой 33 скъола æмæ 41 къласы. Сывæллæтты раивтой дистанцион хуызы ахуыртæм. Уый тыххæй фехъусын кодтой горæты администрацийы ахуырады управленийы. Скъолаты уавæр æрвылбон бæрæг кæнынц дзуапдæттæг ведомствотæ. Дистанцион ахуыры фæтк снысан кодтой, цæмæй æхснырсæг æмæ гриппæй рнычынты нымæц ма фылдæр кæна. Специалисттæ зæрдæ дарынц, ног къуыримæ уавæр кæй фæхуыздæр уыдзæн.