Æппæтуæрæсеон адæмон фронты уæнгтæ бабарæг кодтой горæтгæрон районы скъолаты хæрæндæттæ

Æппæтуæрæсеон адæмон фронты активистæ сбæрæг кодтой Горæтгæрон районы скъолаты хæрæндæттæ. Ахæм рейдты фронты уæнгтæ рацæуынц æппынæдзух. Фарстамæ лæмбынæгæй сæ цæст дарынц. Хæринæгты хыгъд домæнтæн дзуапп дæтты æви нæ, уый базыдта не сфæлдыстадон къорд дæр. Дæллаг Санибайы дыккæгæм скъолайы райсомы хæрд райдайы дæс сахаты æмæ æртын минутыл. Алы бонæн дæр хицæн меню. Фынг рауайы бæркадджын: сауфагæ, кæсаг, плæу, карчы фыд, хъæрмхуыпп, дыргътæ, халсартæ. Сывæллæтты аходæнмæ æппынæдзух сæ хъус дарынц ныййарджыты комитеты уæнгтæ. Æппæтуæрæсеон адæмон фронты уæнгтæ сабиты сихорхæрды уавæрмæ æркастысты Уæллаг Санибайы скъолайы дæр. Æхсæнадон архайджытæ куыд бафиппайдтой, афтæмæй хæрæндоны бæстыхай хъæуы фестырдæр кæнын. Хъарм хæринаг ам дæттынц 58 сывæллонæн, уыимæ ма льготæмæ гæсгæ дæр. Хæрæндонмæ сабитæ æрбацæуынц нысангонд рæстæгыл. Дыууæ къордæй. Хæрды размæ ныхсынц сæ къухтæ. Джызæлы скъолайы активисттæ фиппайнæгтæ æрхастой. Хæрæндоны нæ кусы иу уазалгæнæн. Тæбæгътæхсæн машинæ дæр æййафы къуылымпыдзинæдтæ. Уæдæ порциты бæрц дæр сты гыццыл къаддæр. Æмткæй райсгæйæ та уавæр хорз у. Æппæтуæрæсеон адæмон фронты уæнгтæ ма се 'ргом аздæхтой Горæтгæрон районы скъолаты хæрæндæтты бæстыхæйттæм. специалистты ныхæстæм гæсгæ, ахæм уавæр сæвзæры республикæйы бирæ хъæуты. Æппæтуæрæсеон адæмон фронты активисттæ сæ басгæрстæй разыйæ баззадысты. Цы фиппаинæгтæ фæбæрæг кодтой, уыдон хæстæгдæр рæстæг скъолаты разамонджытæ аиуварс кæндзысты. Уазиты Зæлинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv