«Ирыстоны фыццаг ахуыргæнджытæ-рухстауджытæ» конкурсы уæлахиздзаутæ
«Ирыстоны фыццаг ахуыргæнджытæ-рухстауджытæ» конкурсы руаджы сæнусон кодтой сауджынтæ-ахуыргæнджыты нæмттæ. Аланийыл дзуæрттæ бафтауыны 1100 азмæ республикæйы æрмдæснытæ сарæзтой скульптурæтæ, кæцыты снывæзтой сæ ахуыргæнджыты. Уыдон сын æрмæст зонындзинæдтæ нæ лæвæрдтой, фæлæ ма сын æххуыс кодтой скъолатæ æмæ дæрддзæф хæххон хъæутæм фæндæгтæ аразынмæ. Æркасты архайджыты куыстытæн аргъ кодтой епархийы æмæ культурæйы министрады минæвæрттæ, æхсæнадон архайджытæ. Фыццаг бынат радтой Къорнаты Аланæн, дыккаг - Цхуырбаты Олегæн æртыккаг бынаты аккаг та сси Черчесты Тамерлан.