Коммуналон службæты кусджытæ дезинфекци кæнынынц бирæуæладзыгон хæдзæрттæ

Цæгат Ирыстоны хæдзарадон-коммуналон службæты кусджытæ дезинфекци кæнынынц бирæуæладзыгон хæдзæртты бацæуæнтæ. Пырх кæнынц, вирустæ чи мары, ахæм сæрмагонд буаргъæдтæ. Бонмæ хъуамæ дезинфекцигонд æрцæуой 50 бахизæнæй фылдæр. Специалисттæ адæмæн куыд бамбарын кодтой, афтæмæй хъуамæ цæрджытæ сæхæдæг дæр æрвылбон сыгъдæгæй дарой, кæм цæрынц, уыцы бынат. Фæлæ æрмæст бирæуæладзыгон хæдзæртты бацæуæнтæм сæ цæст нæ дарынц специалисттæ. Æрæджы Дзæуджыхъæуы «Спецэкосервис»-ы кусджытæ бапырх кодтой æхсæнадон транспортæн æрлæууæн бынæттæ æмæ бырæттæ æмбырдгæнæн контейнертæ. Цы сæрмагонд буаргъæдæй спайда кодтой, уый цæттæгонд æрцыд адæмы бартæ хъахъхъæнæг федералон слубæйы специалисттимæ æмгуыст кæнгæйæ. Æппæт ацы мадзæлттæ арæзт цæуынц коронавирусы ног хуызы низы ныхмæ. «Хæдзарадон-коммуналон кусджытæ архайынц æмбæлгæ домæнтæм гæсгæ. Специалистты куысты къуылымпыдзинæдтæ нæй. Мæнмæ гæсгæ, нæ бон у коронавирусы ног хуызы низмæ хи бацæттæ кæнын. Уæдæ нæ кусджытæ дæр ифтонггонд сты æппæт хъæугæ дзаумæттæй. Ис сыл хи бахъахъхъæнæн фæрæзтæ дæр», - МУП «Владикавказская муниципальная управляющая организация»-йы директор Сохъырты Станислав. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv