Дзæуджыхъæуы ныхас кодтой Цæгат Кавказы финансон лæггæдты хӕрзхъӕддзинадыл

Банкты лæггæдты тыххæй ныхас кодтой Дзæуджыхъæуы, тымбыл стъолы уæлхъус. Специалисттæ куыд зæгъынц, афтæмæй Цæгат Кавказы Уæрæсейы иннæ регионтимæ абаргæйæ кредитон уагдæттæ къаддæр ис. Уымӕн ис цалдæр аххосаджы. Банктыл адæм тынг не 'ууæндынц, ацы къабазы регионы нæй æмбæлгæ инфраструктурæ, стæй горæттæ æмæ хъæуыты георафион бынæттæ. Фæлæ ацы хъуыддæгтæ хынцгæйæ «Почта Банк»-ы регионалон хайадæн чысыл нæ бантыст. 3 азмæ банчы æхцайы фæрæзты зилдух фæфылдæр 4 хатты. Цæгат Ирыстоны ис 93 хайады. Уыдоны ис лӕвар байгом кæнæн хыгъд, специалисттæй консультаци райсӕн, æндæр лæггæдтæй пайда кæнӕн. Æмбырды ма архайдтой республикæйы экономикон рæзты министрады æмæ бирæвæрсыг центры минæвæрттæ, амалхъом адæмы бартæ хъахъхъæнæг, стæй Нацбанчы республикон хайады уæнгтæ. Уæвгæ, Центробанчы кусджытæ архайынц, цæмæй финансон лæггæдтæ адæммæ хæстæгдæр уой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv