25 июны 1940 æм азы «Колобок», зæгъгæ спектакльæй йæ дуæрттæ байгом кодта куклаты театр «Саби»

25 июны 1940-æм азы «Колобок», зæгъгæ спектакльæй йæ дуæрттæ байгом кодта куклаты театр «Саби». Кусджыты къорд æмбырдгонд æрцыди Уырыссаг драмон театры артисттæй, стæй хихъæппæрисадон къордтæй. Сывæллæтты театр «Саби» -йы цардвæндаг хъæздыг у алыхуызон цымыдисаг режиссертæй, нывгæнджытæй æмæ артисттæй. 80 азмæ йæхи бауарзын кодта, куыд чысыл театрдзаутæн, афтæ хистæр кары адæмæн дæр. Ис ын цымыдисаг репертуар, уыимæ дæсны æмæ профессионалон коллектив. 1958-æм азæй фæстæмæ сценæйыл дзурын райдыдтой дыууæ æвзагыл: уырыссагæй уæлдай ма йæм бафтыд спектакльтæ ирон æвзагыл. 1967 азы театры къорд схорзæх кодтой Советон Цæдисы культурæйы министрады сæрмагонд кады гæххæтæй, афæдз фæстæдæр та райста Хъамбердиаты Мысосты республикон преми. Сфæлдыстадон бастдзинæдтæ театр кæй фидар кæны, уый тыххæй 1989 азы Болгарийы культурæйы министрад театры коллективæн балæвар кодта кады гæххæт. Паддзахадон театр иу æмæ дыууæ хатты не сси æппæцæдисон, уый фæстæ та æппæтуæрæсеон премиты лауреат. Аккаг аргъ ын скæнынц æппæтадæмон конкурстæ æмæ фестивальты архайгæйæ. Бафтаудзыстæм ма уый, æмæ 2018-æм азæй театрæн разамынд дæтты Гæлæуты Аслæнбег. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv