Дзæуджыхъæуы схорзæх кодтой æрвылазон республикон преми «Осетия – любовь моя», зæгъгæ, лауреатты

«Осетия – любовь моя», зæгъгæ, æрвылазон конкурсы уæлахиздзаутæ сбæрæг сты Цæгат Ирыстоны. Кадджын уавæры сæ схорзæх кодтой Дзæуджыхъæуы. Конкурс ацыд цалдæр номинацимæ гæсгæ. Ирон æвзагыл журналистикæйы хуыздæр куыстыты хицæуттæн нæ республикæйы хицауады сæрдары хæстæ рæстæгмæ æххæстгæнæг Тускъаты Таймураз саккаг кодта зæрдылдарæн лæвæрттæ æмæ дипломтæ. Хуыздæрты 'хсæн не `мкусæг, национ телеуынынад «Осетия-Ирыстон»-ы хистæр редактор, амонæг, Зыхъуаты Жаннæ. Саккаг ын кодтой «сæрмагонд преми» национ журналистикæйы райрæзтмæ йе вæрæн кæй бахаста, уый фæдыл. Уæ зæрдыл уын æрлæууын кæндзыстæм, республикон преми «Осетия - любовь моя» лæвæрд цæуы æрвылаз мыхуыры æмæ дзыллон коммуникациты комитеты æххуыссæй. Хауы ирон æвзаг бахъахъхъæныны æмæ йæ райрæзты фæдыл къамисы куысты фæлгæты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv