«Хуыздæр ахуыргæнæг», «Хуыздæр хъомылгæнæг» æмæ «Педагогон дебют»

«Хуыздæр ахуыргæнæг», «Хуыздæр хъомылгæнæг» æмæ «Педагогон дебют». Ацы конкурстæм ахуыргæнджыты бацæттæ кæныны нысанимæ республикæйы ахуырад æмæ наукæйы министрад сарæзта сæрмагонд семинар. Архайдтой дзы муниципалон къæпхæнты хуыздæр педагогтæ. Æдæппæтæй 26 адæймаджы. Æрдзырдтой æркасты домæнтыл. Педагогты цæттæ кæнынц Цæгат Ирыстоны хуыздæр ахуыргæнджыты ассоциацийы уæнгтæ, стæй æппæтуæрæсеон конкурсы финалисттæ. Конкурсы уыдзæн алыхуызон хæслæвæрдтæ. Сæ хатдзæгтæм гæсгæ равзардзысты 15 хуыздæр ахуыргæнæнджы, уыдонæй та 5 адæймаджы уыдзысты финалы архайджытæ. Афтæмæй, равзардзысты хуыздæр ахуыргæнæнджы, республикæйы кад æппæтуæрæсеон къæпхæны чи хъахъхъæндзæн, уый. Конкурстæ «Хуздæр ахуыргæнæг», «Хуыздæр хъомылгæнæг» æмæ «Педагогон дебют»-ы регионалон къæпхæн райдадзæн 1 мартъийы. Ныр та уал архайджытæ сæхи бæстонæй цæттæ кæнынц. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv