Цæгат Ирыстоны 222 милуан сомы рахай кæндзысты æрыгон фермертæн æххуысæн

Цæгат Ирыстоны 222 милуан сомы рахай кæндзысты æрыгон фермертæн æххуысæн. Уый тыххæй Федерацийы Советы комитеты æмбырды фехъусын кодта республикæйы хъæууон хæдзарад æмæ хойраджы министр Уазиты Хъазыбег. Ныридæгæн æхцайы фæрæзтæй 100 милуан сомæй фылдæр схардз кæндзысты гыццыл хæдзарадты райрæзтыл. Æхцайы иннæ хай грантты хуызы рахай кæндзысты октябры кæронмæ. Профилон министры ныхæстæм гæсгæ, цы 63 куыстуаты фæзына, уым куысты бынæттæ уыдзæн 135. Самал кæндзысты стурвосы 1 678 сæры ӕмӕ 2 259 фысы. Уыдзӕн дзы 600 мыдычыргъды, сараздзысты 960 мин квадратон метры хъæрмуæттæ. Бафтаудзыстæм ма уый, ӕмӕ 2018-æм 2019-æм азты грантты хуызы æххуысæн республикæйы бюджетæй рахай кодтой 496 милуан сомы. Дыууæ азмӕ сарæзтой 142 ног куыстуаты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv