700 бæласы талайы ныссаддзысты Цæгат Ирыстоны

700 бæласы талайы ныссаддзысты Цæгат Ирыстоны «Зеленая Россия» æмæ «Лес Победы» акциты фæлгæты. Сæ аразджытæ сты - Æрдз хъахъхъæныны æхсæнад, Æрдзон æвæрæнты æмæ экологийы министрад. Арахайынц дзы студенттæ æмæ Уæлæмхасæн ахуырады центры ахуырдзаутæ. Дзæуджыхъæуы ныссаддзысты 80 талайы - тæгæр, кæрз æмæ тулдз бæлæстæ. Нырма уал фæзындысты Терчыбылгæрон. Ахæм куыст кæнынц республикæйы районты дæр. Уым æххуыс кæнынц бархионтæ дæр. Уæ зæрдыл уын æрлæууын кæндзыстæм, акци «Лес Победы» у Мысæн æмæ номарæн азы сæйрмаг æмæ ахсджиаг мадзæлттæй иу. «Зеленая Россия» æппæтуæрæсеон зиуы фæлгæты æгас бæстæйы ныссаддзысты бæлæсты цалдæр милуаны талайы. Фарон аз Цæгат Ирыстоны ныссагътой 2 мин талайы. Ацы акций уæлдайдæр пайда у экологийæн. Æрдзы цæхфæлыстыл кусæм. Бæлæсты нымæц фылдæр кæны. Ахæм хуызы ма нæ фæнды адæм ргом аздыхн, нæ республикæйы цы экологон фарстатæ ис, уыдонмæ. Сæ аиувар кæныны хъудадджы æххуыс у алы адæймаг дæр. Уæлæмхасæн ахуырады центры уалдæр каъабазы ис - наукон, техникон æмæ сфæлдыстадон. Ацы хат архайæм экологон хъуыдаггыл. «Зеленая Россия» æппæтуæрæсеон змæлды фæлгæты сывæллæттимæ садзæм бæласы талатæ. Сабитæ æвдисын сæ æнгомдзинад, хæсты хъайтатты кæй зонынц æмæ сæ кæй нæ ферох кæндзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv