Бæстæйы хицауад хъæууонхæдзарадон техникæ

Бæстæйы хицауад хъæууонхæдзарадон техникæ, машинæтæ æмæ кусæнгæрзтæ льготæимæ лизингы райсыны гæнæнтæ фæуæрæхдæр кодта. Сæрмагонд уынаффæ бафыста премьер-министр Михаил Мишустин. Ныр льготæимæ æрмæст трактортæ кæнæ комбайнтæ самал кæнæн нæ уыдзæн, фæлæ ма æндæр автотранспорт, уыимæ ма прицептæ æмæ æфсæнвæндаджы вагæттæ. Афтæмæй, фылдæр продукци зилдух кæндзæн куыстуæтты 'хсæн. Уымæй уæлдай ма, къабазы кусджытæй бадзырдтæ чи бафыста, уыдонæн фадат уыдзæн сæ фиддонтæ ногæй банымайын. Ацы гæнæны руаджы хæдзарадты финансон фадӕттӕ фæхуыздæр уыдзысты. Уæ зæрдыл уын æрлæууын кæндзыстæм, хъæууонхæдзарадон техникæ лизингы руаджы самал кæныны программæ фæзынд 2019 азы.  Фæстаг цалдæр азмæ сси къабазы модернизацийы парахатдæр фæрæз.