Цæгат Ирыстон бацархайдта æппæтуæрæсеон ахуырадон акцийы

Нейросеть цы у æмæ адæймаджы цардыл куыд ахады? Уый тыххæй Дзæуджыхъæуы лицейы скъоладзаутæн радзырдтой нымæцон урокы. Ахуырдзауты фæрстытæн дзуапп лæвæрдтой информацион технологитæ æмæ бастдзинады регионалон управ ленийы разамонæг Сæлбиты Алан æмæ ахуырад æмæ наукæйы министры хæдивæг - Алыккаты Алан. Сабитимæ æрныхас кодтой интеллектуалон æххуысгæнджыты тыххæй, стæй фидæны дæсныйад равзарыны фæдыл. Куыд разынд, афтæмæй скъоладзаутæй бирæтæ фæнд кæнынц сæ цард информацион технологитимæ сбæттын. Урок сарæзтой æппæтуæрæсеон ахуырадон акцийы фæлгæты. Проект æххæст кæнын райдыдтой 2018 азы. Йæ хæс у- скъоладзауты зонындзинæдтæ нымæцон экономикæйы сæйраг компетенциты фæуæлдæр кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv