гор пиитание ос

Райдиан кълæсты ахуырдзаутæн тæвд хæринаджы меню сног кæндзысты. Скъоладзаутæй, йе ’нæниздзинадмæ гæсгæ хъыгдæрд чи ’ййафы, уыдонæн та йæ баивдзысты. Ахæм æмæ æндæр ивддзинæдтыл ныхас кодтой Цæгат Ирыстоны ахуырад æмæ наукæйы министрады æмбырды. Архайдтой дзы нæ республикæйы æнæниздзинад хъахъхъæныны æмæ Экономикон райрæзты министрадты минæвæрттæ, Уæрæсейы фæлхасгæнджытæм цæстдарды управлени, Æхсæнадон палатæ æмæ Æппæтуæрæсеон адæмон фронты уæнгтæ. Сæ ныхас загътой ныййарджытæ дæр. Профилон министрады разамонæджы хæдивæг Дзанкисты Ирмæ куыд фæбæрæг кодта, афтæмæй ахуырады азы райдиан Цæгат Ирыстоны алы скъолайы дæр скодтой, ахуырдзаутæн цы хæрын кæндзысты, уый хыгъд. Хæринæгты хæрзхъæддзинадмæ æппынæдзух сæ цæст дарынц канд ахуырады разамынд нæ, фæлæ ма æхсæнадон организацитæ æмæ ныййарджыты къамистæ дæр. Бæрæг кæныц хæринæгтæ съоладзаутæн кæм кæнынц, уыцы бынæттæ æмæ уавæрмæ кæсынц. Хæринæгты меню фæхуыздæр кæныныл ныртæккæ архайынц. Республикæйы алы районæй дæр разынд курдиæттæ ацы хъуыддаджы фæдыл. Куыд æй сног кæнæндзысты, уый тыххæй хъæппæристæ дæр ис. Уыимæ ма, уæлдай фылдæр æргом здахын хъæуы сывæллæттæй йе ’нæниздзинад хъыгдæрд кæмæн у, уыдонæн сæрмагонд меню снысан кæнынмæ. Æппæт куырдиæттæ равзардзысты, 1-æй-2-æм декабры гæрæт Саранскы цы Æппæтуæрæсеон конференций ацæудзæн, уым. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv