Сергей Меняйло пысылмон диныл хæст адæмæн ракодта бæрæгбоны фæдыл арфæ

Пысылмон диныл хæст адæм абон бæрæг кæнынц сæ сæйрагдæр бæрæгбæттæй иу – Хъуырман. Республикæйы æппæт пысылмон адæмæн арфæ ракодта Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло. Куыд фæнысан кодта, афтæмæй рухс бæрæгбон хъæуы сыгъдæг зæрдæимæ арвитын. Йæ ныхæстæм гæсгæ, пысылмон æхсæнад стыр æвæрæн хæссы нæ республикæйы культурæ, уырнынад æмæ æгъдæуттæ фидар кæнынмæ, стæй иннæ регионты æхсæн сабырдзинад тауынмæ. Зæгъын хъæуы уый, æмæ пысылмæттæн Хъуырман у рагон æмæ кадджын бæрæгбон. Вæййы пысылмон мæйы къæлиндары 12-æм мæйы 10-æм бон. Бæрæгбоны ламазтæ абон цæуынц республикæйы районты æппæт мæзджытты дæр. Дунесфæлдисæгмæ скувынмæ цæуынц Сунниттаг мæзджытмæ дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv