Цiкавая гiсторыя - будынак царквы ў Брагіне.

На першы погляд, гэтая гісторыя пра белы будынак на фотаздымку... Насамрэч, яна пра тое, якія фатальныя і непапраўныя памылкі робіць чалавецтва і ніколі не вучыцца. Падчас працы над стварэннем анлайн-праекта “DOC-цэнтр “Тапаграфія памяці” у фондах Брагінскага гістарычнага музея мы знайшлі даваенны фотаздымак. На ім – Брагін і сход саматужнікаў «Чырвоны Кастрычнік». Час даваенны і, здаецца, нішто не прадвяшчае страшэннай чалавечай трагедыі.