«Россети Цæгат Кавказ» кæсы энергон ресурсты куысты хæрзхъæддзинадмæ

«Россети Цæгат Кавказ» компанийы специалисттæ сæ хъус дарынц энергон ресурсты куысты хæрзхъæддзинадмæ. Бæлвырддæр та, Иумæйаг Паддзахадон фæлварæн кæм цæудзæн, уыцы объекттæм. Цæмæй фæлварæн æнæ къуылымпытæй ацæуа, уый тыххæй Цæгат Кавказы регионты сбæрæг кæндзысты электрон тыхдæттæн станцæты цæттæдзинад. Æдæппæтæй Кавказы субъектты фæлварæн дæтдзысты 41 мин рауагъдоны. Стъараполы крайы энергетиктæ электрон тыхæй сифтонг кæндзысты 87 объекты, «Дагэнерго» - 67, «Цæгаткавказэнерго» филиалы кусджытæ - 17. Бæрзонддæр цæттæдзинады фæткмæ гæсгæ кусдзысты 516 специалисты, æдæппæтæй 152 бригады. Æнæнхъæлæджы уавæры рæстæг специалисттæн фадат уыдзæн аиппытæ æвæстиатæй аиуварс кæнын. Профилактикон куыст сарæзтой трансформаторон дæлстанцæты, æркастысты электрон тыхы телты уавæрмæ, энергообъекттæн скодтой диагностикæ. Иуæндæсæмкъласонтæн сæйраг аттестаци райдыдта абон. Ахæсдзæн 25-æм июлмæ. Уыцы æмгъуыдмæ фæлварæн чи нæ ратта, уыдон æй дæтдзысты августы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv