«Мои безопасные каникулы», зæгъгæ, акци цæуы Цæгат Ирыстоны

«Мои безопасные каникулы», зæгъгæ, акци цæуы Цæгат Ирыстоны. Эпидемиологон уавæры тыххæй арæзт у онлайн хуызы. Йæ сæйраг нысан фæлладуадзæн бонты фæсивæды æдасдзинад. Акцийы фæлгæты Æнæнхъæлæджы цауты министрады сæйраг управленийы кусджытæ сарæзтой комкоммæ эфиртæ. Сывæллæтты æмæ сæ ныййарджыты базонгæ кодтой доны ленкæнгæйæ хи куыд дарын хъæуы æмæ фыццаг медицинон æххуыс раст куыд бакæнын хъæуы, уыимæ. Специалисттæ сын бæстонæй радзырдтой Æнæнхъæлæджы цауты министрады Цæгат Ирыстоны управленийы дæлдонленкгæнæн службæйы куысты тыххæй. Комкоммæ эфиры рæстæг ирвæзынгæнджытæ сывæллæттæн равдыстой арт хуыссын кæныны мадзæлттæ æмæ цæмæй спайда кæнын хъæуы, уый дæр. Акцийы фæлгæты комкоммæ эфиртæ цæудзысты къуыри иу хатт. Бакæсæн ис социалон хызæг Инстаграмы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv