Дзæуджыхъæумæ бахизæн аив кæнынц

Дзæуджыхъæумæ бахизæн аив кæнынц. Ныхас цæуы, Фатимæ хурыл кæм хæцы, уыцы стелæйы алфамбылӕйттыл. Куыстытæ райдыдтой 1-æм сентябры. Сæ стырдæр хай сын ныридæгæн фесты - дихгæнæн хахх сцалцæг кодтой, сраст кодтой бордюртæ, сæвæрдтой брусчаткæ. Уæдæ ма дзы сфидар кодтой горæты ном декоративон стыр дамгъæтæй. Ныссагътой дзы 120 бӕласы. Стæй ма сног кæндзысты æхсæнадон транспорты дыууæ æрлæууæн бынаты. Стелæмæ хæстæг зæххыл сæвæрдзысты тротуарон плиткæ. Ӕфсӕйнаг хæйттæ ногæй сахордзысты, фæфидар кæндзысты. Рухсгæнæнтæ дæр дзы фæфылдæр кæндзысты. Ног прожекторты 'руаджы хъуамæ бынат цæхæртӕ скала. Куыстытæ фæуыдзысты ноябры астæумæ.