Фæндаггон инспектортæ фыццагкъласонтæн радтой фистæгцæуджыты нæмттæ

Фæндаггон инспектортæ Автомобилистты æхсæнады регионалон хайады минæвæрттимæ иумæ фыццагкъласонтæн радтой фистæгцæуджыты нæмттæ. Мадзал ацыд Дзæуджыхъæуы. Архайдтой дзы хистæркъласонтæ æмæ фæндаггон змæлды æвзонг инспектортæ. Зноны сабитæ систы скъоладзаутæ. Бирæтæ сæ скъоламæ цæудзысты æнæ ныййарджытæй. Уый тыххæй ахсджиаг у, цæмæй зоной фæндаггон змæлды фæтк. Скъоладзаутæн бацæттæ кодтой хъæлдзæг равдыстытæ æмæ сын хъазты хуызы бамбарын кодтой фистæгæй цæуæджы хæстæ. Инспектортæ фыццагкъласонтæн радзырдтой фæндаггон нысæнтты тыххæй - цæмæн хъæуынц æмæ фæндаггон змæлды архайджытæн куыд æххуыс кæнынц, уый. Бацамыдтой сын, горæты уынгты хи дарын æмæ фæндаджы сæрты раст хизын куыд хъæуы, уый дæр. Уыимæ ма, сывæллæттæн бамбарын кодтой рухсздахæн нысæнтты ахадындзинад. «Посвящение первоклассников в пешеходы», зæгъгæ, традицион акци у æрвылазон. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv