Цæгат Ирыстоны хицауады уæнгтæ æрдзырдтой республикæйы ахсджиаг фарстатыл

Цæгат Ирыстоны хицауады уæнгтæ æрдзырдтой республикæйы ахсджиаг фарстатыл. Æмбырд ацыд Дзанайты Барисы разамындæй. Бæстон ныхас цыд хъæууон хæдзарад æмæ социалон къабазы ног гæнæнтыл. Сывæллæтты сæрдыгон-дзæбæхгæнæн кампанимæ цæттæгæнæн мадзæлттæ дæр сты сæ тæмæны. Республикæйы хицауады æмбырд райдыдта кадрты ивддзинæдтæй. Афтæмæй, Хетæгты Фатимæ нысангонд æрцыд республикæйы æнæниздзинад хъахъхъæныны министры фыццаг хæдивæгæй. Ныхас цыд хъæууонхæдзарадон куыстуæттæн æххуысы тыххæй дæр. Республикæйы фосдарыны куыст чи кæны, уыдонæн ацы азмæ снысан кодтой сæрмагонд субсидитæ. Афтæмæй, æхсыр æмæ дзидзайы продукцийы кондады гæнæнтæ фæуæрæхдæр уыдзысты. Сæрдыгон дзæбæхгæнæн кампанийы рæстæгмæ цæттæ кæнæн мадзæлттыл рагацау бакусын. Ахæм хæс сæвæрдтой республикæйы фæллой æмæ социалон райрæзты министрады раз. Йæ разамонæг Айдарты Алинæ куыд фæбæрæг кодта, афтæмæй 2022-æм азы регионы санаторитæм арвитдзысты 33 мин сабийæ фылдæр. Уыдонæн сæ 78% - æххуысцух бинонтæй. «Объектты цæттæдзинад хъуамæ уа æмбæлгæ æмвæзадыл», - бафиппайдта премьер. Зын уавæрты цы цæрджытæ сты, уыдонæн дарддæр ис «Мæгуырдзинадимæ тохы» программæйы бацархайæн. Социалон контракт бафыссгæйæ, бирæтæ байгом кодтой хи куыстуат. Хицауады уæнгтæ æрдзырдтой æхсæнадон транспорт æмæ промышленносты паддзахадон программæты райрæзтыл дæр. Республикæйы хицауады сæрдар Дзанайты Барис куыд фæбæрæг кодта, афтæмæй æхсæнадон транспорты лæггæдты хæрзхъæддзинад у зæрдæхсаинаг. Къабазмæ хъæуы уæлдай æргом аздахын. Ныхас ма цыд æрдзон фыдбылызтæй цæрджыты бахъахъхъæнынæн арæзт мадзæлттыл. Дзуапдæттæг ведомствойæ куыд фæнысан кодтой, афтæмæй сты цæттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv