«День Поля», зæгъгæ, хъæууон хæдзарадон равдыст цæуы Елхоты

Елхоты цæуы егъау равдыстыт — «День Поля». Ацы равдыст фыццаг хатт сарæзтой æртæ азы размæ. Ивгъуыд аз коронавирусы пандемийæйы аххосæй арæзт не ’рцыд. Мадзалмæ саккаг кодтой сыхаг регионты минæвæрттæ. Комбайнтæ, трактортæ æмæ хъæууон хæдзарадон техникæйы æндæр хуызтæ. Тæккæ егъаудæр æнтыстдзинæдтæ. Равдыст «День Поля», зæгъгæ, йæ дуæрттæ байгом кодта Елхотты. Кæд боныхъæд сæ хуыздæртæй нæ рауад, уæддæр дзы æрæмбырд бирæ адæм. Равдысты цы техникæ равæрдтой, уыдоны `мбис абон балхæдтой хъæууон хæдзарады раззагдæр куыстуæтты минæвæрттæ. Бренд-менеджер Сергей Шпика куыд радзырдта, афтæмæй равдысты уæйгонд æрцыд техникæйы 2 иуæджы. «День поля» равдысты Сергей Шпика архайы фыццаг хатт. Ныр фæнд кæны ацы равдыстмæ æрвылаз цæуын. Хъæууон-хæдзарадон мадзал бабæрæг кодта Цæгат Ирыстоны хицауады сæрдары хæстæ рæстæгмæ æххæстгæнæг Тускъаты Таймураз. Æрныхас кодта ацы къабазы раззагдæртимæ. Хъæууон хæдзарады къабазы техникæйы 110 иуæджы техникон гæнæнтæ равдыстой. Сæ продукци адæмы рæгъмæ рахастой 12 фирмæйы. Уыди ма дзы зайæгойтæ æмæ фосдарынадимæ баст куыстуæтты продукци дæр. Ацы равдыст фыццаг хатт ацыд 2018 азы. Ивгъуыд аз арæзт не ’рцыд коронавирусы пандемийæйы аххосæй. Уый хыгъд ацы аз ацыд еъаудæрæй. Мадзалмæ æрцыдысты æндæр регионты минæвæрттæ дæр. Равдыст ахæсдзæн 2 боны. Пелиты Сабинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv