Уæрæсейы бæрæг кæнынц бинонты, уарзт æмæ иузæрдиондзинады бон

Абон æгас Уæрæсейы бæрæг кæнынц бинонты, уарзт æмæ иузæрдиондзинады бон. Фыццаг хатт æй сбæрæг кодтой 2008 азы. Нæ бæстæйы йæ снысан кодтой бинонтæн. Бæрæгбон фæзынд Паддзахадон Думæйы депутатты æмæ Муромы горæты цæрджыты хъæппæрисæй. Баст у муромаг къниаз Петр æмæ йæ бинойнаг Февронияимæ. Чырыстон диныл хæст адæм сæ нымайынц бинонты бардуæгтыл. Петр æмæ Феврония амондджын æмæ иузæрдион бинонты æвдисæн систы сæ дуджы. Бæрæгбоны фæдыл республикæйы цæрджытæн арфæ ракодта Битарты Вячеслав. Сæргълæууæг куыд фæнысан кодта, афтæмæй Цæгат Ирыстоны бинонтимæ баст традицитæ сты ахсджиаг æмæ фидар. Йæ ныхæстæм гæсгæ сæрыстыр стæм бирæ къæйттæй, кæрæдзийы æмбаргæйæ къорд æзты чи фæцард æмæ хорз кæстæртæ чи схъомыл кодта. Битарты Вячеслав йæ арфæйы фæнысан кодта, цæмæй республикæйы адæмыхæттытæ хæларæй бинонтау куыд цæрой,уый. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv