Фæлхасгæнджытæм цæстдарды федералон служба бацæттæ кодта скъоладзауты хæрдæн æнæниздзинады домæнтæ

Фæлхасгæнджытæм цæстдарды управлени бацæттæ кодта скъоладзауты хæрдæн æнæниздзинады домæнтæ. Куыд хъусын кæнынц, афтæмæй æрвылбон скъолайы цы хъарм хæринаг хæрынц, уый скъоладзаутæн хорз æххуыс у ног зонындзинæдтæ æнцонтæй æмбарынæн æмæ физикон цæттæдзинад дæр фæхуыздæр кæнынæн. Уыимæ сывæллæттæм фæзындзæн ахæм ахуыр хорз æмæ пайда хойрæгтæ хæрын. Стæй ма æрвылбон уыцы иу афон куы хæрой, уæд уый хорзырдæм фæзындзæн скъоладзауы æнæниздзинадыл. Домæнты куыд фыссынц, афтæмæй скъоладзаутæ райсомæй æнæмæнг хъуамæ бахæрой хъарм каш, къæдор кæнæ айкæй конд хæринаг æмæ цай, какао кæнæ кофейæ нуазинаг. Гæнæн ма ис, æмæ райсомы хæринагмæ бафтыдæуа дыргъгтæ, халсартæ, гагадыргътæ, æнгузтæ æмæ йогурт. Скъоладзауы сихормæ хъуамæ бахæссой халсартæй салат, хъармхуыпп, дыккаг хæринагæн та дзидза кæнæ кæсаг, стæй нуазинаг. Специалистты ныхæтсæм гæсгæ, нырыккон скъоладзаутæ хъуамæ бон 5 хаттæй къаддæр ма хæрой. Сæкæр та бон 2 стыр уидыгæй фылдæр ма хæрой, цæх - 1 цайцымæны дзаг. Хæринæгты хыгъдæй хъуамæ ист æрцæуой адджинæгтæ. Хуыздæр сæ уаид дыргътæ æмæ æнгузтыл баивын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv