Дзæуджыхъæуы улæфæн бынæттæм пандемийæйы фæстæ цæрджытæ рацыдысты сæхи аирхæфсынмæ

Дзæуджыхъæуы фæлладуадзæн бынæттæм къух бакæнæн нæй. Мæйæ фылдæр адæм цæуынц сæ фæллад суадзынмæ. Коронавирусы низ кæй апарахат, уый тыххæй ацы бынæттæ уыдысты æхгæд. Ныр адæмы цинæн кæрон нæй. Не сфæлдыстадон къорд цалдæр фæлладуадзæн бынат бабæрæг кодта. Цорионты Ритæ йæ хъæбулы хъæбулимæ пандемийæйы фæстæ фыццаг хатт рацыд горæты уынгмæ. Уæлдайдæр та улæфæн бынатмæ. 5 мæйы дæргъы хæдзары бадынæй сфæлмæцыд. Сылгоймаг куыд радзырдта, афтæмæй, фыццаджыдæр, хъуыды кодта йæ бинонты æмæ йæхи æнæниздзинадыл. Уымæ гæсгæ адæм бирæгæйттæй кæм æмбырд кæнынц, ахæм бынæттæм нæ цыд. Фæлладуадзæн бынæтты бирæ адæм фенæн ис. Куыд карджын адæм, афтæ æрыгæтты дæр. Сæрдыгон бон уæгъд рæстæг сæйраг парчы æмæ Терчы былгæрон арвитынæй хуыздæр цы ис. Дзæуджыхъæуы цæрджытæн æхсызгон у, низ кæй фæкъаддæр æмæ сæ рæстæг пайдаимæ арвитынмæ горæты центрон паркмæ кæй цæуынц, уый. Надежда Увальшина: «Коронавирусы фæстæ фыццаг хатт рацыдыстæм улæфынмæ мæ хъæбулы хъæбулимæ. Ам ис сывæллæттæн бирæ хиирхæфсæн бынæттæ. У нын тынг цымыдисаг. Аттракционтæ дæр кусынц. Иу дзырдæй, хъæлдзæгæй нæ рæстæг æрвитæм». Фæлладуадзæн бынæттæм бацæугæйæ, фенæн ис сæрмагонд фыстытæ хи хъахъхъæныны тыххæй. Иу мæйы бæрц адæм сæ фæллад уадзынмæ кæд рацæуынц, уæддæр Уæрæсейы фæлхасгæнджытæм цæстдарды управленийы амынддзинæдтæ æххæст кæнын хъæуы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv